Novitade

Bonjour tristes

Zadnja izmjena (Subota, 19 Siječanj 2008 17:22) Srijeda, 09 Siječanj 2008 08:44

puno se tega pisalo o novoj spliskoj rivi...ja bi prvo đonon na potkoljenicu...riva nima ni šušta ni gušta...

zašto nima...ka prvo u svin zemjama mediterana su rive mista di se judi skupjaju...gledaju na brode...popiju kavu...di su oštarije i di se saznaju prve novitade...di su procesije di je tradicija i di na nas furešti gledaju i u sebi mislidu ajme i mi bi tili da nan je ovako...riva kakva je bila miritala je da se uredi oni pecibokuni od asfalta i nesređenost je bila tako dotrajala da je bilo zanje vrime da se priuredi...znači ča se tega tiče smo se dogovorili...rivu je tribalo minjat...

vlast je obečala da če raspisat natječaj i on je raspisan...graski "mudraci " su odlučili da ovi purgerski plan bude usvojen...ma nima veze ča su purgeri...samo ima veze ča nisu pogodili u žicu načina života ovod u dalmaciji...ne moš in zamirit tehnički su napravili vrlo kvalitetnu stvar...moderni nosači tendi vrlo skladne lampe koje bi da je vrime inkvizicije lipo poslužile za obišanje protivnika rive...sve u svemu besprijkoran uradak kako je sad moderno reč...ima jedna malenkost...niko nije smatra važnin da upita puk ča puk misli...a puk nije bija lud nas nikoliko smo se od prvega dana digli na noge...

ma ča su nan sve pribacivali...da nismo za razvitak..boljitak i neznan više koji još...tak...a ča smo mi tili...mi smo tili da se ostavi dašak duše dalmacija splita i mediterana...da na rivi a usput nabacujen i marmontovu bude šušur di se penšjunati gospoje dica studenti fakini ribari zajedno sa graskin redikulima i sa pok. papecon zajedno izmišaju...a onda još novokonponirani bogatuni i sponsoruše sa velikin očalima...boduli i vlaji...i svi oni koji su znali guštat na suncu zimske rive oli litnje ladovine ispod tendi od štekata...

rezultat pogrešnega izbora je da je riva prazna sterilna da je prvi dil od marmontove do vočnega pista za eroplane di se more komodno sletit sa cesnon...jedan moj prijatej mi je reka da bi mu to brez problema uspilo...još bi mu jedna sponsoruša mogla sidit na kolinima...

a sad malo o litratima pogledajte ča su judi učinili u deboto osan miseci nove rive ...šporkica...zapuštenost...suvo grmlje...grafiti...a usrid bila dana jedan beskučnik satima spava na šentadi...o ovi papan vozi skuter uz more...grade jadni grade...ča su ovo učinili od tebe...

a meni su ukrali ditinjstvo kad san po jugu trča isprid zidiča prije nego bi me veliki val od juga uspija smočit...di san ka dite gušta kad se krnji u vrime od krnjevala na malome muliču sudilo...kad ga je ekipa iz varoša gradila pa kad nija mog proč kroz senjsku ulicu da šperuna jerbo mu je glava bila visoka pa su je tribali rizat...riva duša moga ditinjstva...sva sriča da su matejušku lipo dricali i da nije izgubila dušu...bar se temu nadan da če tako bit...

...dabar dan tugo...ti san libar učija u skuli i to na francuskome jeziku boje da nisan jerbo ovo ča je sad na rivi je više od tuge...

Dalmacija moja inspiracija